تحلطم على انا و قصيدتي الالمعية

انا كاتب قصيدة...
شفيكم مستغربين؟؟؟ انا كاتب قصيدة.. لكن للاسف لعدم وجود موهبه للشعر فالقصيدة باي باي.. يعني على الاقل قاعد احاول.. الحين ادري نصكم قبل ما يقرا الشعر وده يكتب رد و يقولي تكفه لا تحاول.. او يقول خل المحاولات حق اهلها.. المهم

اقول المهم
القصيدة جدا ركيكة (يا حياتي ركيكة مو رقيقة و اتدلع...ركيكة يعني مكسرة يا عيوني)
و اكلم في القصيدة انا.. يعني انا اقول القصيدة موجهها حقي انا.. يعني انا اسب انا..
ما تدرون شنو صاير؟
انا وايد اتطنز و اتحلطم ماكو شي عاجبني بالديرة..فقلت حقي انا في يوم: يا انا ليش تحلطم ...اغلب الناس عاجبهم اللي يصير فرديت انا و قلت صح كلامي ولذلك كتبت قصيدة اسمها

اكل تبن
وفيها انا احاجي انا و ازف انا على التحلطم

القصيدة


اشوف اللي عطيتهم صوتك
خصبقوك وخلوك تدور قوتك
الكل اصمخ امبح صوتك
كل تبن يا الحبيب و انجعم

جرايدك كل وحده لها مالك
تقراهم و تبي الصج على بالك؟
كلمن له مصلحته خاب فالك
ثبت خطاك يا الحبيب لا تندعم

حكومتنا حكومه معوكسه
خصبقتنا و لعبتنا كوكسه
تهد الجايد و تدور من فسه؟
هذا الصج واترك عنك الحلم

ان قلت عراقي قالوا عنك عنصري
ان قلت شيعي صرت طائفي و سرسري
صرت متوحش(واي)و انسان بربري
غير الموضوع ذبحنا هالفلم

ديرة يكبر فيها طي.. الجذاب
ديرة الحرامي فيها بواب
ديرة العصائص صارت كتٌاب
النصاب و الجبان صار زلم

ضعت بين حانه و مانه
باقر جاب لنا الاهانه
يظن حلال مشاكل زمانه
ظني همه الفلوس يبي يلم

المصفاة الرابعة اخر السوالف
مصوها مص اهل التحالف
والعليم لشغلهم بمشيه حالف
من باق بهالديرة سلم

وسلامتكم

ان شاء الله الديوان الصوتي راح ينزل بالعيد